مجرد هرطقة

الي يقرأ البوست ديه ويجي يقرأ ديه يقول أكيد الي بيكتب ده مختل عقليا أو عنده شيزو فرينيا 

مع إن كل فرضياتك صح بس أنا ببصلها من ناحية تانية 

ببصلها إن الواحد عشان يبقى بيستخدم عقله استخدام سليم لازم يعيد النظر في المسلمات الي بيبني عليها استنتاجاته وبيقرب من فهم

الحاجات ماشية ازاي حواليه

أستغربت جدا لما كنت بتناقش مع أحد أصدقائي المقربين في النقطة ديه ولقيته بيأكدلي إن فيه بعض المسلمات مينفعش نشكك فيها أو
 حتى نفكر هي جت منين
لو فكرت شوية حتلاقي إن كلامه صح من ناحية

إن فيه بعض المسلمات التفكير فيها مش حايوصلك لحاجة .. أو على الأقل بالنظر لتجارب الاخرين الي سبقوك وكانوا أذكى وأعلم وأكثر وعي منك وموصلوش لحاجة..
بس لما تيجي تبص للموضوع بدقة أكتر .. تلاقي إنه بيناقض نفسه بطريقة بشعة
لأن نفس النقطة ديه بيشتكي منها المسلم من المسيحي .. والمسيحي لليهودي والملحد للمؤمنين والعكس
كله بيتمنى إن الآخر يترك مسلمات العقل .. ويبدأ يفكر في الأمور بتشكيك أكتر عشان يشوف الحاجات من وجهة نظر الآخر

عقيدة الثالوث مثلا عند المسيحين هي واحدة من المسلمات التي لا يستطيع أي مسيحي التشكيك أو التفكير في صحتها .. و التفكير فيها بيعتبر هرطقة وبحث في أمور فيما وراء الطبيعة .. أمور الاهية ميستحملهاش عقلك استيعابها .. وإنك عمرك ما حتفهمها .. ومش مطلوب منك تفهمها المطلوب منك تؤمن بيها وبس
في نفس ذات الوقت .. في أي خطبة جامع أو درس دين عند المسلمين .. بيعتبروا الحتة ديه كذبة كبيرة وهرطقة تستحق السخرية إن دماغ بشرية سمحت لنفسها إنها تؤمن بحاجة زي كده ..

لو بحثت في الصراع بين الآديان حتلاقي أمور زي ديه كتير وكل طرف بينظر للتاني نفس النظرة .. وبيتمنى لو يترك مسلماته أو يشكك فيها ..

بس في الحقيقة إن ده صعب جدا يحصل ..
المسلمات ديه بيتعلمها العقل في سن صغيرة جدا .. بتترسخ في عقله زي واحد + واحد = أتنين ..
وعامل كبير بيأثر هو البرمجة اللغوية العصبية الي بيعملها الواحد في نفسه وبيعملها المجتمع المحيط بيه ..
لما المسلمين يقولو أكتر من مرة في اليوم كل صبح وكل ليل .. "قل هو الله أحد" ... الله واحد ... الله واحد
ويربطها في دماغه بإن الي بيفكر غير كده .. كائن مش بيستخدم عقله ..
أكيد حيكون من الصعب إنه يتقبل فكرة زي ديه .. في المستقبل .. ويعتبر مجرد النقاش فيها مضيعة لوقته ..

ونفس النقطة بالنسبة للطرف الآخر .. عمره ما حيفكر في يوم يشكك فيها ..

من وجهة نظري كلا من الطرفين مخطئ إنه محطش احتمالية إن واحد من مسلماته تكون غلط ..
بس ده يرجعنا للسؤال .. طب ايه أصلاً تعريف كلمة "مُسَلَّمَة"  وامتى تكون غلط ؟ وايه الي يخلينا صح لما نقول على واحدة غلط ؟

من وجهة نظري بدأت أؤمن إنها متفرقش .. وإن العملية كلها نسبية .. وإن المهم إن مسلماتك متكونش بتعدى على حق من حقوق الآخرين .. سواء حريتهم أو حقهم في الحياة نفسها ..

Read more »

خمر ونساء

لاء

الصراحة مفيش قباحة النهاردة، البوست ديه عن المزيكا .. بروبلم ؟ 

بس فعلاً لو سألت أي شخص مسلم أورذوكسي عن رأيه في الموسيقى

ناهيك عن وشه اللي أبيض من اللبنة اللي حيتحول لحمرة الطماطماية وهرولة حاجبيه في سرعة الضوء ليلتقيا عند أعلى منخاره اللي مفيهوش بربورايا واحدة من مكان طهارة الوضوء الدائم ، ألا انه حيتحول من ملاك بشوش إلى محارب عابس ؛ من يسوع بيت لحم إلى أدزيو روما !

في الحقيقة ؛ قبل ما تكمل جملتك وتحط علامة الأستفهام ، كان إنتهى هو من رسم صورة لك في ذهنه ، فأنت لا شيئ سو سِكِّير لاهي عبد لنزواتك كل يوم تستلقي وحواليك  هيفاء وهبي و بوسي سمير و 68 رقاصة ومطربة ( ومتسألنيش إشمعنا 68 عشان لي في ذلك حكمة ، لاء بجد سيريوسلي ! في حكمة !) يتمايلون ميل سنابح القمح في أول الخريف وتتعالى حولكم أصوات الرق والدربوكة والشخاليل.

ولا شيء يدور في عقلك سوى إرضاء شياطينك فأنت تحاول البحث عن مبرر لضميرك الذي نادراً ما يصحوا ليؤنبك على عادتك الدنيئة ، القذرة ، المنتنة ... أفيييييييييييه !! إنها رائحة فمك التي أصابها غضب الله نتيجة ترديدك لتلك المقطوعات الشيطانية !

كل ده لمجرد أنك فكرت في مسألة فقهية وحبيت تكون مستريح من جواك أو تعرف الصح فين!

ممممم قد يبدوا ليك مبالغة لو عمرك ما جربت تسأل واحد كده أو منكش حد قريب منك كده ، بس أؤكدلك أنه فيه فئة بتفكر كده.. أنا كنت بفكر كده في فترة ما !

بس السؤال اللي بتلاقيه بيدور في خاطرك يا ترى أيه اللي وصل الأمور لكده ؟

هل شِدَّة جُرم سماع الموسيقى هو السبب ؟

أم التعجرف التي تُلَقِحُهُ الفَضِيلَة لصاحبها ؟

فبعد أن تشعر النفس البشرية بالسكينة نتيجة لإتباع قواعدها الأيدولوجية وإرضاء كيانها الإلهي ، بيبدأ الاحساس بالفضيلة ينتشر في العروق كما أنتشر المحلول في جسد الشخصية الخيالية  في رواية "قضية الدكتور جيكل والسيد هايد" وتتحول كل جزوع النوايا الحسنة لتثمر أشواك وثمار خبيثة تسم اللي بيأكلها و تأذي كل اللي يقربّ منها.

النقطة الأولانية بقى ممكن تناقش بطريقتين مختلفتين الطريقة الأولى علمية فقهية بحته ، وكل واحد حافظله حديثين يقعد يفتي ويتمسك بوجهة نظره واللي يقولك حرام بس مش عارف الآلات الوترية أيه .. واللي يقولك الطبلة بس حلال .. واللي يقولك حديث البخاري أنهى المسألة تماماً وأنت بتناقشني في أيه ، واللي يقولك ديه مسألة مختلف عليها و أختار رأي أحد العلاماء وألتزم بيه

وجهة نظر تحترم بس كلها خلافات وتناقضات وصراعات وفي الآخر مفيش رأي واضح ممكن تاخده وتعمل بيه وتكون واثق فيه 100% من صحته

والمجال التاني هو من ناحية فلسفية شوية ؛
يا ترى هل ممكن لشيء بالجمال ده ، أن يكون بالشيطانية والجرم اللي بينسبوا إليه ؟

حقيقة السؤال لو وضع كده فالرد عليه أكيد حيكون بالحتمية طبعاً
بإعتبار مثلاً المخدرات حاجة بتخلي صاحبها حاسس بنشوة وسعادة.
وإعتبار الضرر الي بتجلبه على متعاطيها وعلى المجتمع ده بالجرم.



فمحتاجين حاجة من 4
 نعدل السؤال شوية ..
 يا إما نوضح الفرق ما بين الموسيقى ونواظرها من مجلبت السعادة ..
يا إما نثبت إن الموسيقى مش حاجة جميلة أصلن ومفيش ضرورة ليها ..
أو نثبت عكس الجملة الأخيرة

بس من وجهة نظري الموسيقى ليس لها لون أو توجه سواء خيِّر أو شيطاني
أنا أرى الموسيقى ما هي إلا محفز شعوري بتدفع المستمع إليها نحو الحالة النفسية اللي هو عنده إستعداد إليها

يتبع ...

Read more »

Nonsense ? It doesn't make sense !

"Nonsense .. Nonsense .. and more Nonsense .."
said an skeptic Muslim after reading a Christian theological article describing the nature of the holy trinity.

بعيداً عن مثال التفاحة ومثال عربة القش و غيرها من الأمثلة الهتيانة ( أسف في التعبير .. بس أنا كاتب ساخر .. لازم أدفس حاجات من ديه و إلا مش حاكل عيش )  بس هي فعلاً أكتر أمثلة فكسانة كنت بقراها أو أسمعها في حياتي محاولة تفسير خرافة الخرافات

ولا ممكن اكون فعلاً أنا اللي فاكسان ؟ وعقلي مضمحل كما أدعى البعض ؟

ومش قادر أفهم حاجة واضحة لأكثر من أتنين ونص مليار بني آدم على وجه الأرض زي الشمس .. لدرجة أنهم أخدوها  على أساس إنها حقيقة الحقائق .. وأسسوا علي الإيمان بيها ، كل قواعد حياتهم بعد كده

وتفسيراتهم للظواهر الكونية الي تفسيرها العلمي لا يتفق بأي شكل مع الهذيان اللي بيؤمنوا بيه ؟!

الغريب إن من الناس دول علماء ومفكرين وفلاسفة واخدين الدكتوراه حتى في النقطة ديه !

بس الغريب برضه إن بقيت المليارات الثانين مش مؤمنين بأي بدنجان من الكلام ده .. وعندهم تفسيرهم الخاص لأسئلة كتير حوالين الذات الإلهية ونشاءة الكون .. والسبب من وجودنا و غيره

وفي نفس ذات الوقت  الحجات ديه بتمثل

the absolute perfect ultimate sense, that is undoubtedly the one and only truth.

I was teased by this idea trough many years, as a student of different Ideologies, I was confused by the fact that those people coming from different prospectives, both with magnificent intellectual abilities, both finding appeal to what they believe in. not only from the prospective of Faith. but they claim that they can perfectly claim reasoning in every detail of their believe system.

but recently I've reached something that justified to me all of that. I've developed my own humble definition of Sense .. or things that are found to be reasonable to people.

I believe sense is developed in an early stage of our lives, the things we were being programmed to find reasonable tend to retain their reason in our minds when we grow up.
Mulsim children are told to believe that God is One .. God is One .. God is One .. God is One ..
they say it hundreds of times during the day .. during Azan, prayers, Azkar ... 





There is an approach to psychotherapy that is called N.L.P ( Neuro Linguistic Programming ) that is a system of alternative therapy which seeks to educate people in self-awareness and effective communication, and to change their patterns of mental and emotional behaviour.
for example a patient suffering from the lack of self-esteem is advised to program his mind by giving it vocal and mental signals repeating facts that describe how much self-esteem he has. later on this person appear to show more self-esteem than before. It has a major effect on his mental and emotional behaviour that is reflected on his social life.

on contrary Christian children are taught the trinity in Sunday schools at the church. they are told to believe that it's the one and only truth. however irrelevant or relevant the stories and examples their teachers mention. but their minds are programmed on this truth.

من المستحيل واحد من أيا من الطرفين يجي بعد كده يشكك في اللي عقله اتبرمج عليه في أولى أيام حياته ... وهو بيتعلم عن مبادئ كل حاجة حواليه
الأفكار ديه بقت جزء من كيانه... بقت زي حقيقة واحد زائد واحد بيساوي أتنين ...
الخلاصة ..
 لو أتربينا على إن واحد زائد واحد بيساوي ثلاثة ..
 كنا كبرنا وعشنا و أسسنا علم رياضة تاني خالص مبني على الحقيقة ديه ..

^_^

sorry for the mixed content .. ely gah fe dema3'y katbto zay ma gah fe dema3'y :D

Read more »

جواري؟ قشطة !

تعرف انك لو مسلم و طلعت تحارب الكفار  و أسرت منهم نساء ( كفّار )  بيبقى اسمهم ما ملكت يمينك ؟
لو مش عارف يعني ايه ما ملكت يمينك روح دور عليها في أي دايهة تانية .. الزتونة أنه بتبقى جارية من الآخر
صحيح لو سألت شيخ ( مش متعصب أوي ) و بدى على وشك الحيرة والدهشة و أسئلة زي ..
طب هبا الست ديه عملتلي أيه وحش عشان أخدها جارية وأعاملها زي مراتي حتى مع عدم موافقتها .؟
أو هي الست ديه أصلاً مش مرات حد تاني ؟
الله ؟  طب أفرض الست ديه كان عندها عيال أصلن وأتاخدوا أسرى برضوه .. ؟
والواد عرف بالحوار ده .. مش حيطلع معقد نفسياً ؟ .. يا ترى تفتكر حيفكر في يوم يخش الإسلام ؟

لو جه على بالك أسئلة زي ديه .. حتلاقي ردود زي الي في اللينكات   دول
منهم اللي بيفسرلك الموضوع بأن دول كفار أصلن يا غبي أنت .. و دول أعداء الله ورسوله .. و عليهم غضب الله
و منهم اللي حيبررلك الموضوع بأن الاسلام عطالهم حقوق كتير أصلن ويحاول يثبتلك بشتى الطرق أنه مفيش فرق ما بين الجواري والناس العادية ..

الغريبة انه على قد ما التبريرات ديه  سازجة جداً و متدخلشي دماغ واحد عاقل .. أنه في ناس كتير جداً بتتقبلها ..
مش عارف اللي مؤمن بكده .. يا ترى عمره تخيل الموضوع ده ؟ أنه مامته أو مراته أو أخته اتخذوا أسرى في حرب و تم غصبهم على أفعال حيوانية همجية كده رغم أرادتهم ..
بس لمجرد ... ومش لأي سبب تاني غير أنهم كانوا قاعدين في بلدهم   في أمان .. و بيؤمنوا بحاجة تانية غير اللي انت مؤمن بيها ؟؟!!

يا ترى أحساسك حيكون عامل أزاي ؟
مش عارف .. حقيقي مش عارف ...

قبل ما أقفل .. مش عايز أخواتي المسيحين واليهود يفرحوا بالبوست ديه أوي و يقولك شوف يا عم بيقولوا أيه : D

مش حقلك حاجة غير خد ديه .. مش عارف قريتها قبل كده ولا لاء ... بس عادي  الكتاب ده مليان حبشتكنات من ديه وزيادة من اللي قلبك يحبه

Exodus 21

21:20 And if a man smite his servant, or his maid, with a rod, and he die under his hand; he shall be surely punished.

21:21 Notwithstanding, if he continue a day or two, he shall not be punished: for he is his money.

أنا عارف ان كلامي حيدايق ناس كتير .. بس أنا أسف .. إني مش أسف
ديه أسئلة كتير بتدور في دماغي .. والصراحة دماغي حتطق من التبريرات الساذجة اللي بقراها في كل حته وعلى كل لسان
أنا بدور على إجابات  .. من الأرجح الإجابة اللي ممكن أقتنع بيها متكونش بتمثل الحقيقة المثلى .. بس على الأقل اللي حرتاحلها :)

    فيل فريييي أنك تشتمني أو تكفرني أو أي حاجة لزيزة من بوقك يا زوء يا محترم ياللي داخل الجنة

XD

Read more »

More Mess ?

I like the act of doing right things for the sake of doing the right things, not because one is afraid of the consequences if he did wrong things !
 Also the trail of helping people, just for the sake of making people happy because It's something good, it's decent and human .. not for the sake of a physical or a metaphysical reward !
I find it more decent this way, more intuitive and most importantly more Human !

 But Still the question holds, an abstract Unique definition of right and wrong deeds is of course demanded ... Would it have been so messy without a unique definition ? an abstract declaration, a prevailing Law .. ?!

The answer that I hold so far is ... that the world since the early beginning that we know about have been holding so much contradictory Laws that each tripe declares , each affirms ... and each follow and claim absolute correctness ..

 It Shouldn't has been more messy than it already did .. should it ?

Killed in Palestine War

Read more »